E seis storianan di Tyson Hill, un eskritor yu di Kòrsou, ta laga bo eksperensiá e konsekuensianan di kambio di klima i e ta mustra bo riba un posibel solushon pa nan. Salí for di mundu i persepshon di diferente habitante di Kòrsou, e ta laga bo komprondé kiko e kambio di klima lo nifiká pa kada un di nan. E storianan akí ta basá riba e konosementu sientífiko mas resien ku tin. Huntu nan ta hiba bo na un final inimaginabel ainda, pero ku ta pone bo pensa riba e konsekuensianan di kambio di klima.
Storia
Tsean i nivel di laman ku ta subi
Tsean i su mihó amigu Luka ta ripará ku un parti di playa su santu a disparsé i ku e olanan ta yega mas serka ku ántes. Nan ta bai serka mener Terry pa puntr’é ta kiko ta pasando.
Bai e historianan
Lisa i kalor ekstremo
Riba un dia ku ta hasi un kalor insoportabel, bendedó di bièchi Lisa ta bai flou. Danki Dios Ella t’ei pa yud’é. Nan ta papia tokante e kalor ku ta oumentando na Kòrsou. Kiko bo por hasi pa protegé bo mes?
Bai e historianan
Dianan di sekura pa kunukero Omar
Pa motibu di sekura kunukero Omar tin kada be mas difikultat pa mantené su mata- i palunan bibu. Su kosecha di pinda ku maishi ta ménos ku nunka. Kandela den naturalesa ta kada be mas frekuente.
Bai e historianan
Jay i laman kayente
Instruktor di buseo Jay ta konta su grupo di kursista ku koral den laman ta blikiando i ku tin kada be ménos piská ku normal ta landa den laman. Buchi piskadó tambe a ripará esei i e mester bai kada be mas leu riba laman pa e por kohe sufisiente piská.
Bai e historianan
Chrissy i e bientu di kambio
Kambio di klima ta pone ku bientu ta kambia di direkshon ku mas frekuensia. E ta supla tambe mas duru. Chrissy ku su tata Terry ta ripará esaki ora nan bai sùrf na Sint Jorisbaai.
Bai e historianan
Orkan
Un dia sin nubia ta kambia den un dia yen di pániko. Tur hende ta hasi preparashon pa un gran tormenta ku ta na kaminda. Pero si e habitantenan ta bon prepará i yuda otro, nan lo por enfrentá kualke desafio.
Bai e historianan